முகப்பரு
இன்றைய இளைஞர்களுக்கு முகத்தில் வரும்
பரு அவர்களின் அழகை கெடுப்பதாக உள்ளது. இதனால் அவர்கள் தங்கள் சரும அழகு கெடுவதாக
நினைகின்றனர். முகத்தில் வளரும் பருக்களை நீக்க கண்ட கண்ட கிரீம்களை உபயோகபடுத்த
துவங்கிவிட்டனர். இவற்றால் நிவாரணம் கிடைக்கிறதோ இல்லையோ சரும பாதிப்புகள் தான்
ஏற்படுகின்றன. சரி பரு வருவதற்கு என்ன தான் காரணம். வாருங்கள் பார்ப்போம்.
பரு எவ்வாறு உருவாகிறது?
அடிப்படையில் உடலில் கொழுப்புப் பொருள்
அதிகமானால் அது வியர்வை மூலமாக வெளியேறும். ஆனால் சில சமயங்களில் கொழுப்புப் பொருளானது வியர்வை மூலம் வெளியேறாமல் முகத்தில்
தேங்கும். அந்த கொழுப்பு பொருட்களே பருவாக உருமாறுகின்றன. அது போல முகம் கழுவாமல்
பவுடர் போட்டாலும் பரு வரும். பரு வந்து விட்டால் அதை நகம் படாமல் பாதுக்காப்பது
நல்லது. சிலர் பருவை கிள்ளி விடுகின்றனர். அவ்வாறு செய்தால் பரு மேலும், மேலும் அதிகமாகிக் கொண்டு தான் போகுமே தவிர குறையாது.
பரு வராமல் தடுப்பது எப்படி?
பரு வந்து விட்டால் அதை கிள்ள கூடாது.
அத்துடன் கொழுப்புப் பொருட்களை உட்கொள்வதை தவிர்க்க வேண்டும். உதாரணமாக தயிர்,
மாமிசம், சாக்லெட், ஐஸ்க்ரீம், எண்ணையில்
வறுத்த மற்றும் பொறித்த பலகாரங்களை சாப்பிடக்
கூடாது. பரு உருவாக இன்னொரு முக்கியக் காரணம் மலச்சிக்கல். இந்த மலச் சிக்கலை
போக்க தினமும் உணவில் கீரைகளை சேர்த்துக் கொள்வது நல்லது. இது தவிர ஒருநாளைக்கு குறைந்தது
எட்டு டம்பளர் தண்ணீர் குடிக்க வேண்டும்.
அடிப்படையில் ஆரோக்கியமான தூக்கத்தை
கடை பிடிப்பது நல்லது. பச்சைத் தண்ணீரில் குளித்து அதிக எண்ணெய் இல்லாத உணவை
சாப்பிடுவது நல்லது.
முகப்பரு வராமல் தடுக்க இயற்கை வழிகள்
2. அதே போல பயத்தம் பருப்பு போட்டுக்
குளித்தால் எந்தத் தோல் சம்பந்தமான எந்த வியாதியும் நம்மை நெருங்காது.
3. அது போல ஆயுர்வேத சோப்புகள்
போட்டுக் குளித்தாலும் பரு உண்டாவதை தடுக்கலாம்.
4. அதுபோல செயற்கையான க்ரீம், பவுடர்
இவற்றுக்குப் பதிலாக, துளி பாலேடு முகத்தில் தடவிக் கொண்டு,
பிறகு கழுவினால் முகம் பளபளப்பாக மெருகேறி
இருக்கும்.
5. தேனுடன் சிறிது லவங்கப்பட்டை தூளைச்
சேர்த்து முகத்தில் தடவலாம். கடுகை சிறிது தேனுடன் கலந்து முகத்தில் தடவலாம்.
அவ்வாறு தடவினால் முகப் பரு பிரச்சனை நம்மை அண்டாது.
6. மூன்று மணி நேரத்திற்கு ஒருமுறை
முகத்தை குளிர்ந்த நீரால் கழுவுங்கள். ஆனால் சோப்பு பயன்படுத்துவதை தவிர்க்க
வேண்டும்.
7. தினமும் குளிக்கும்போது முகத்தில் சோப்புக்குப் பதில் பாசிப்பயறு
மாவைத் தேய்த்துக் குளித்துவர முகம் பொலிவு பெறும். கரும் புள்ளிகள் மறையும்.
8. தக்காளி சாற்றினை முகத்தில் தடவிவர
முகப்பரு நீங்கும்.
9. காய்ச்சாத பாலை முகத்தில் தடவிவர,
முகப்பரு நீங்கும்.
