செட்டிநாடு சிக்கன் 65 - Chettinad Chicken 65

தேவையான பொருட்கள்:

1. எலும்பில்லாத சிக்கன் - 1/2 கிலோ (சிறியதாக நறுக்கியது)
2. எலுமிச்சை சாறு - 1 டேபிள் ஸ்பூன்
3. இஞ்சி பூண்டு விழுது - 1 டீஸ்பூன்
4. மிளகாய் தூள் - 2 டீஸ்பூன்    
5. மிளகு தூள் - 1 டீஸ்பூன்
6. சீரகப் பொடி - 1/2 டீஸ்பூன்
7. மஞ்சள் தூள் - 1 சிட்டிகை
8. சோள மாவு - 1 டேபிள் ஸ்பூன்
9. அரிசி மாவு - 1 டீஸ்பூன்
10. முட்டை - 1
11. கறிவேப்பிலை - சிறிது
12. பச்சை மிளகாய் - 3
13. உப்பு - தேவையான அளவு
14. எண்ணெய் - தேவையான அளவு

செய்முறை:

1.  சிக்கன் துண்டுகளை நன்கு நீரில் கழுவிக் கொள்ள வேண்டும். 

2. பின் சிக்கனை ஒரு பாத்திரத்தில் போட்டு, எலுமிச்சை சாறு மற்றும் உப்பு சேர்த்து, 10 நிமிடம் ஊற வைக்க வேண்டும்.

3. பின்னர் ஒரு பாத்திரத்தில் சோள மாவு, அரிசி மாவு, முட்டை, இஞ்சி பூண்டு விழுது, மிளகாய் தூள், மிளகு தூள், சீரகத் தூள், மஞ்சள் தூள் மற்றும் உப்பு சேர்த்து கலந்து கொள்ளவும்.

4. பின் இந்த கலவையுடன்  சிக்கனை சேர்த்து  1 மணிநேரம் ஊற வைக்க வேண்டும்.

5. பின் ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.

6. எண்ணெய் காய்ந்ததும், கறிவேப்பிலை மற்றும் பச்சை மிளகாய் சேர்த்து 1 நிமிடம் பொறித்து  எடுத்து விட வேண்டும்.

7.பின் அந்த எண்ணெயில் ஊற வைத்துள்ள சிக்கன் துண்டுகளை சேர்த்து மிதமான தீயில் வைத்து பொன்னிறமாக பொரித்து எடுத்துக்கொள்ள வேண்டும்.

8.பொரித்து வைத்திருக்கும் கறிவேப்பிலை மற்றும் பச்சை மிளகாய் தூவி அலங்கரித்து பரிமாறினால், சுவையான செட்டிநாடு சிக்கன் 65 ரெசிபி ரெடி.