வரகு அரிசி உணவுகளை நாம் சாப்பிடுவதால் நம் உடலில் சர்க்கரையின் அளவு கட்டுபடுத்தப்படும்.
தேவையான பொருட்கள்
- வரகு அரிசி - ஒரு கப்
- தனியா – 1 ஸ்பூன்
- எள்ளு - 1 டீஸ்பூன்
- வெந்தயம் – 1/4 டீஸ்பூன்
- காய்ந்த மிளகாய் – 5
- புளி – சிறிதளவு
- வேர்க்கடலை – 50 கிராம்
- கடலைப்பருப்பு - 2 ஸ்பூன்
- உளுத்தம்பருப்பு – 2 ஸ்பூன்
- கடுகு – 1 ஸ்பூன்
- கறிவேப்பிலை – சிறிதளவு
- பெருங்காயத்தூள் – 2 சிட்டிகை
- வெல்லம் – சிறிதளவு
- மஞ்சள்தூள் - ஒரு ஸ்பூன்
- எண்ணெய் – தேவையான அளவு
- உப்பு – தேவையான அளவு .
செய்முறை
- வரகரிசியை 10 சிறிது நேரம் ஊற வைத்து கழுவி சுத்தம் செய்து கொள்ளவும்.
- நன்கு ஊறியவுடன் இரண்டு கப் தண்ணீர் சேர்த்து வேகவிடவும்.
- சிறிதளவு புளியை ஊறவைத்துக் கொள்ளவும்.
- வெறும் வாணலியில் தனியா, எள், வெந்தயம், காய்ந்த மிளகாய் ஆகியவற்றைத் தனித்தனியே வறுத்து ஆறவிட்டு, மிக்ஸியில் போட்டு பொடித்துக் கொள்ளவும்.
- பின்னர் வாணலியில் எண்ணெய் விட்டு கடுகு, பெருங்காயத்தூள், கடலைப்பருப்பு, உளுத்தம்பருப்பு, வேர்க்கடலை, கறிவேப்பிலை சேர்த்து தாளித்துக் கொள்ளவும்.
- பின் ஊறவைத்துள்ள புளியைக் கரைத்து வடிகட்டி தாளிப்பில் ஊற்றவும்.
- பின்னர் அதில் மஞ்சள்தூள், உப்பு, வெல்லம் சேர்த்து கொதிக்கவிடவும்.
- பிறகு, அரைத்து வைத்திருக்கும் பொடியை சேர்த்துக் கிளறி, எண்ணெய் நன்கு பிரிந்துவரும்போது இறக்கி அதில் தேவையான அளவு சாதத்தை கலந்து பரிமாறினால் சுவையான வரகு அரிசி புளியோதரை ரேடி.
