சர்க்கரை நோயை கட்டுபடுத்தும் ராகி தோசை

தேவையான பொருட்கள்
  1. ராகி  மாவு - 200 கிராம்
  2. உளுத்தம் பருப்பு - 50 கிராம்
  3. முருங்கை கீரை - 1 கைப்பிடி
  4. வெங்காயம் - 2 (பொடியாக நறுக்கியது)  
  5. உப்பு - தேவையான அளவு
  6. நல்லெண்ணெய் - தேவையான அளவு

செய்முறை
  1. உளுத்தம் பருப்புடன் மூழ்கும் அளவு தண்ணீர் ஊற்றி இரண்டு மணி நேரம் ஊற வைக்கவும்
  2. பருப்பு ஊறியதும் எடுத்து களைந்து மிக்ஸியில் அரைத்து எடுக்கவும்.
  3. அதில் ராகி மாவை சேர்த்து உப்பு போட்டு கலந்து வைக்கவும்.
  4. பின் அத்துடன் நறுக்கி வைத்துள்ள வெங்காயம்,பச்சைமிளகாய் சேர்க்கவும்.
  5. பின்னர் அத்துடன் முருங்கை கீரை சேர்த்து நன்கு கலந்து வைக்கவும்.
  6. கலந்து வைத்த மாவை ஐந்து மணி நேரம் புளிக்க வைக்கவும்.
  7. தோசைக்கல்லில் நல்லெண்ணெய் தடவி தோசையாக வார்க்கவும்.
  8. இரண்டு பக்கமும் சிவந்து வெந்ததும் எடுத்து பரிமாறவும்.