தேவையான
பொருட்கள்
- மட்டன் - ½ கிலோ
- மஞ்சள் தூள் – ¼ ஸ்பூன்
- இஞ்சி பூண்டு விழுது - 1 ஸ்பூன்
- தயிர் - ¼ கப்
- மிளகு - 1 ஸ்பூன்
- சீரகம் – 1 ஸ்பூன்
- பெருஞ்சீரகம் – 1 ஸ்பூன்
- எள்ளு -2 ஸ்பூன்
- பட்டை – 1 துண்டு
- கிராம்பு - 2 துண்டு
- நட்சத்திர மொக்கு - 1
- முந்திரி - 6
- வெங்காயம் - 2
- தக்காளி - 2
- காய்ந்த மிளகாய் - 4
- பூண்டு - 10 பல்
- முருங்கைக்காய் - 1
- உருளை கிழங்கு – 1
- உப்பு – தேவையான அளவு
- எண்ணெய் – தேவையான அளவு
- மட்டனை நன்கு கழுவி சுத்தம் செய்து எடுத்துக் கொள்ளவும்.
- பின் மட்டனுடன் மஞ்சள் தூள், உப்பு, இஞ்சி பூண்டு விழுது, சிறிதளவு தயிர் தேவையான அளவு தண்ணீர் சேர்த்து குக்கரில் 6 முதல் 7 விசில் வைத்து நன்கு வேக வைக்கவும்.
- பின்னர் ஒரு அகன்ற வாணலியில் ஒரு டேபிள் ஸ்பூன் எண்ணெய் ஊற்றி மிளகு, சீரகம், பெருஞ்சீரகம், எள், பட்டை, கிராம்பு, நட்சத்திர மொக்கு, முந்திரி, சேர்த்து வதக்கவும்.
- வதங்கிய பின் அதனுடன் வெங்காயம், காய்ந்த மிளகாய், பூண்டு, இஞ்சி சேர்த்து மேலும் சிறிது நேரம் வதக்கவும்.
- வதக்கிய பொருட்களை ஆற வைத்து மிக்ஸியில் அரைத்துக் கொள்ளவு்ம்.
- மற்றொரு பாத்திரத்தில் 2 டேபிள் ஸ்பூன் எண்ணெய் ஊற்றி பட்டை, கிராம்பு, கறிவேப்பிலை தாளிக்கவும்.
- இதனுடன் ஒரு வெங்காயம் மற்றும் தக்காளியை சேர்த்து வதக்கவும்.
- வெங்காயம், தக்காளியுடன் அரைத்து வைத்துள்ள வெங்காய மசாலா கலவையை சேர்த்து நன்கு கிளறி விடவும்.
- அதனுடன் குக்கரில் வேக வைத்து வைத்துள்ள மட்டனை சேர்க்கவும்.
- பின்னர் ஒரு முருங்கைக்காய் அல்லது ஒரு உருளைகிழங்கு அதனுடன் நறுக்கி சேர்க்கவும்.
- மட்டன் வேக வைத்த தண்ணீருடன் தேவையான அளவு தண்ணீர் சேர்த்து கொதிக்க விடவும்.
- நன்கு கொதித்த பின்னர் கொத்தமல்லித் தழை தூவி இறக்கினால் சுவையான எள்ளு மட்டன் குழம்பு ரெடி
