-->
எள் உடலுக்கு தேவையான கால்சியம் சத்தை கொடுக்கிறது.உடல் எடையை குறைக்க எள் மிகவும் உதவுகிறது .
தேவையான பொருட்கள்
- புழுங்கல் அரிசி - 500 கிராம்
- கடுகு - சிறிதளவு
- எள் - 25 கிராம்
- நெய் - 100 கிராம்
- காய்ந்த மிளகாய் - 4
- உளுத்தம் பருப்பு - 50 கிராம்
- முந்திரிப் பருப்பு - 20
- பெருங்காயத் தூள் - சிறிதளவு
- எலுமிச்சம்பழம் - சிறிதளவு
- கறிவேப்பிலை - சிறிதளவு
- உப்பு - தேவையான அளவு.
செய்முறை
- முதலில் புழுங்கல் சுத்தம் செய்து கழுவி சாதமாக வடித்துக் கொள்ளவும்.
- வடித்த சாதத்தை நன்கு ஆறவைத்துக் கொள்ளவும்.
- பின்னர் ஒரு கடாயில் நெய் ஊற்றவும்.
- நெய் காய்ந்தவுடன் அதில் எள்ளு,காய்ந்த மிளகாய்,உளுத்தம் பருப்பு,பெருங்கயத்தூள் ஆகியவற்றை சேர்த்து வறுத்து பொடி செய்து கொள்ளவும்.
- பின் அதே கடாயில் சிறிதளவு கடுகு,முந்திரி,கறிவேப்பிலையை சேர்த்து தாளித்து அதில் வடித்து ஆறவைத்துள்ள சாதத்தை சேர்க்கவும்.
- அத்துடன் நாம் வறுத்து பொடி செய்து வைத்துள்ள எள்ளு பொடியை சேர்க்கவும்.
- பின்னர் தேவையான அளவு உப்பு சேர்த்து வாசனைக்காக சிறிதளவு நெய் ,எலுமிச்சை பழ சாறு சேர்த்து கிளறி இறக்கினால் சுவையான எள்ளு சாதம் ரெடி.
