காளான் உணவு வகைகளை சாப்பிடுவதின் மூலம் நம் உடலில் இரத்தத்தில் உள்ள அதிகப்படியான கொழுப்பு கரைக்கப்பட்டு உடலை சீராக வைத்திருக்க உதவுகிறது.
தேவையான பொருட்கள்
- காளான் – 1/2 கிலோ
- பிரியாணி அரிசி – 2 கப்
- வெங்காயம் – 1 (நீளமாக நறுக்கியது)
- தக்காளி – 2 (நீளமாக நறுக்கியது)
- இஞ்சி பூண்டு விழுது – 2 ஸ்பூன்
- கொத்தமல்லி – சிறிதளவு
- புதினா – சிறிதளவு
- பச்சை மிளகாய் – 3 ( நீளமாக நறுக்கியது)
- எண்ணெய் – தேவையான அளவு
- நெய் – தேவைகேற்ப
- தேங்காய் பால் – 1/2 கப்
- தயிர் – 2 ஸ்பூன்
- மிளகாய் தூள் – 2 ஸ்பூன்
- மல்லி தூள் – 2 ஸ்பூன்
- சோம்பு தூள் – 1/2 ஸ்பூன்
- மஞ்சள் தூள் – 1/4 ஸ்பூன்
- தண்ணீர் – 3 கப்
- உப்பு – தேவையான அளவு
தாளிக்க
- பிரியாணி இலை – 1
- ஏலக்காய் – 3
- இலவங்கம் – 2
- கிராம்பு – 5
செய்முறை
- முதலில் காளானை சுத்தம் செய்து கழுவி சிறிய துண்டுகளாக நறுக்கி வைத்துக் கொள்ளவும்.
- பின் தேவையான அளவு பிரியாணி அரிசியை தண்ணீரில் ஊற வைக்கவும்.
- பின்னர் ஒரு வாணலியை அடுப்பில் வைத்து, அதில் தேவையான அளவு நெய்யை ஊற்றி காய்ந்ததும், பிரியாணி இலை, கிராம்பு, ஏலக்காய், இலவங்கம் ஆகியவற்றை சேர்த்து தாளிக்க வேண்டும்.
- பிறகு அதில் வெங்காயத்தை சேர்த்து பொன்னிறமாக வதக்கிக் கொள்ள வேண்டும்.
- பின்னர் நறுக்கிய பச்சை மிளகாய், கொத்தமல்லி மற்றும் புதினா சேர்த்து, வதக்க வேண்டும்.
- பின் இஞ்சி பூண்டு விழுது மற்றும் தக்காளி சேர்த்து வதக்கிக் கொள்ள வேண்டும்.
- தக்காளி நன்கு வதங்கியதும், காளானை சேர்த்து பிரட்டி, மஞ்சள் தூள், மிளகாய் தூள், மல்லி தூள், சோம்பு தூள் சேர்த்து நன்கு பிரட்டி கொள்ளவும்.
- பின்னர் அதில் தயிர், தேங்காய் பால் மற்றும் உப்பு சேர்த்து, நன்கு கிரேவி போன்று வரும்வரை கொதிக்க வைக்க வேண்டும்.
- அதே சமயம், குக்கரை மற்றொரு அடுப்பில் வைத்து, அதில் அரிசியைக் கழுவி வைத்து,அத்துடன் அந்த கிரேவியை ஊற்றி, 3 கப் தண்ணீர் சேர்த்து குக்கரை மூடி வைக்கவும்.
- 3 விசில் வந்தவுடன் இறக்கி சிறிதளவு நெய் சேர்த்து பரிமாறினால் சுவையான செட்டிநாடு காளான் பிரியாணி ரெடி!!!
