மீன் சாப்பிடுவதால் நம் உடல் பருமன் ஏற்படாமல் தடுக்கலாம்.இதயத்தை பாதுகாக்க மீன் ஒரு சிறந்த உணவு பொருளாகும்.கண்களின் ஆரோக்கியத்திற்கும்,உடலில் உள்ள கெட்ட கொழுப்பை நீக்கவும்,மனசோர்வை தவிர்க்கவும் மீன் பயன்படுகிறது.
தேவையான பொருட்கள்
- மீன் – ½ கிலோ
- வெங்காயம் – 2 ( பொடியாக நறுக்கியது)
- தக்காளி – 2 (பொடியாக நறுக்கியது)
- பூண்டு – 10 பல்
- புளிக் கரைசல் –தேவையான அளவு
- கடுகு – 1 ஸ்பூன்
- மஞ்சள் தூள் – 1 ஸ்பூன்
- மிளகாய் தூள் – 3 ஸ்பூன்
- உப்பு – தேவையான அளவு
- எண்ணெய் – தேவையான அளவு
- ஜீரகம் – 1 ஸ்பூன்
- வெந்தயம் – 1 ஸ்பூன்
- கறிவேப்பிலை – சிறிதளவு
- கொத்தமல்லி தழை – சிறிதளவு
அரைக்க தேவையான பொருட்கள்
- தேங்காய் – ½ மூடி
- வெங்காயம் – 1
- தக்காளி – 1
- பச்சை மிளகாய் – 1
- சோம்பு – 1 ஸ்பூன்
செய்முறை
- முதலில் மீனை கழுவி சுத்தம் செய்து எடுத்துக் கொள்ளவும்.
- சுத்தம் செய்து வைத்துள்ள மீனில் சிறிதளவு உப்பு,மஞ்சள் தூள் சேர்த்து கலந்து வைக்கவும்.
- பின்னர் ஒரு கடையில் எண்ணெய் ஊற்றவும்.
- எண்ணெய் காய்ந்ததும் கடுகு,ஜீரகம்,வெந்தயம்,கறிவேப்பிலை,சேர்த்து தாளிக்கவும்.
- பின் அதில் வெங்காயம்,தக்காளியை சேர்த்து வதக்கவும்.
- வெங்காயம்,தக்காளி நன்கு வதங்கியதும்,பூண்டு சேர்க்கவும்.
- பின்னர் மஞ்சள் தூள்,மிளகாய் தூள்,உப்பு சேர்த்து வதக்கவும்.
- நன்கு வதங்கியவுடன் புளிக்கரைசலை சேர்த்து கொதிக்கவிடவும்.
- கொதித்தவுடன் அரைத்து வைத்துள்ள மசாலாவை சேர்க்கவும்.
- மசாலா புளிகரைசலுடன் சேர்ந்து கொதித்து கெட்டியானதும் மீனை சேர்க்கவும்.
- மீன் வெந்தவுடன் கொத்தமல்லி தழை,கறிவேப்பிலை சேர்த்து இறக்கினால் சுவையான செட்டிநாடு வௌவால் மீன் குழம்பு ரெடி.
