ஜவ்வரிசி உடல் செரிமானத்தை ஊக்குவித்து உடலுக்கு சக்தியை அளிக்கிறது. வயிற்று போக்கு அதிகமாக உள்ள நேரத்தில் ஜவ்வரிசியை சாப்பிட்டால் உடனே நின்று விடும். ஜவ்வரிசி பசியில் அடக்கும் தன்மை உள்ளது.
தேவையான பொருட்கள்
- ஜவ்வரிசி – 1 கப்
- சர்க்கரை – 1 கப்
- ரோஸ் எசன்ஸ் – 2 டேபிள் ஸ்பூன்
- பாதம்,முந்திரி,திராட்சை,ஏலக்காய் - தேவையான அளவு
- உப்பு – 1 சிட்டிகை
- தண்ணீர் – 3 கப்
- முதலில் 1 கப் ஜவ்வரிசியை நன்கு கழுவி தண்ணீரில் 15 நிமிடம் ஊற வைக்கவும்.
- ஊறவைத்த ஜவ்வரிசியை வடிகட்டி மிக்ஸ்யில் லேசாக அரைத்து எடுத்துக் கொள்ளவும்.
- பின்னர் ஒரு வாணலியில் 3 கப் தண்ணீர் சேர்த்து கொதிக்க வைக்கவும்.
- தண்ணீர் கொதிக்கும் போது 1 சிட்டிகை உப்பு,2 டேபிள் ஸ்பூன் ரோஸ் எசன்ஸ் சேர்த்து நன்கு கலக்கவும்.
- பின் அதில் சர்க்கரையை சேர்த்து நன்கு கரையும் வரை கலந்து விடவும்.
- சர்க்கரை கரைந்தவுடன் ஊறவைத்து அரைத்து வைத்துள்ள ஜவ்வரிசியை அதில் சேர்த்து நன்கு கிளறி விடவும்.
- அத்துடன் பாதம்,முந்திரி,திராட்சை,ஏலக்காய் ஆகியவற்றையும் சேர்க்கவும்.
- நன்கு கைவிடாமல் கிளறி ஜாம் பதத்திற்கு வந்தவுடன் இறக்கினால் சுவையான சத்தான ஜவ்வரிசி ஜாம் ரெடி.
